طواف کے دوران جمعہ کا خطبہ شروع ہو جائے:

بصورتِ مسئولہ درمیانِ طواف خطبہ شروع ہو جائے تو طواف موقوف کر کے دھیان اور توجہ کے ساتھ خطبہ سننا واجب ہے طواف جاری رکھنے سے خطبہ سننے میں خلل واقع ہوگا اس لیے طواف موقوف کرنا چاہیے ورنہ گنہگار ہوگا ۔ ملاحظہ ہو شرح اللباب میں ہے:

فصل في مكروهاته (أي الطواف)

والطواف عند الخطبة أي مطلقاً لا شعاره بالإعراض ولو كان ساكتاً وإقامة المكتوبة فإن ابتداء الطواف حينئذٍ مكروه بلا شبهة. (شرح اللباب، ص۱۸۳). (وكذا في غنية الناسك، ص ٦۸).

تحفہ حجاج میں بحوالہ مجموعہ فتاوی دار العلوم کراچی مرقوم ہے:
خاموشی سے کان لگا کر خطبہ سننا واجب ہے، اور خطبہ جمعہ کے دوران طواف کرنے سے چونکہ خطبے کے سننے میں خلل واقع ہوتا ہے، لہذا اس دوران طواف کرنا منع ہے، اس سے بچنا لازم ہے ۔ (تحفہ حجاج، ص۳۷) ۔
واللہ سبحانہ و تعالی اعلم