احرام میں سلے ہوے پٹے والی چادر کے استعمال کا حکم:

حالتِ احرام میں جو سلے ہوے کپڑے پہننا ممنوع ہے اس کا اصول یہ ہے کہ جو لباس انسان کے تمام بدن یا بدن کے بعض حصہ کے موافق بنایا گیا ہو اس طرح پر کہ وہ سلائی کے ذریعہ یا بعض حصوں کو بعض حصوں کے ساتھ چپکانے سے یا کسی اور طرح سے بدن یا کسی عضو کا احاطہ کر لے اور وہ خود بخود جسم پر ٹھہرا رہے ایسا لباس احرام کی حالت میں پہننا منع ہے، بنا بریں مذکور اصول کو مد نظر رکھتے ہوے ایسا تہ بند پہننا ممنوع ہوگا ۔ ملاحظہ ہو غنیۃ الناسک میں ہے:

لو لبس الطيلسان ولم يزره لعدم الاستمساك بنفسه ولهذا يتكلف في حفظه فلو زره فهو لبس المخيط لحصول الاستمساك بالزر مع الإحاطة بالخياطة. (غنية الناسك، ص ٤٤).
فتح القدير
ميں ہے:

لبس المخيط أن يحصل بواسطة الخياطة اشتمال على البدن واستمساك فأيهما انتفي انتفي لبس المخيط

وكذا إذا لبس طيلسان من غير أن يزره عليه لعدم الاستمساك بنفسه فإن زر القباء أو الطيلسان يوماً لزمه دم لحصول الاستمساك بالزر مع الاشتمال بالخياطة. (فتح القدير: ۳/۳۰، دار الفكر، وكذا في البحر الرائق: ۳/٦، مكتبة ماجديه).
وقال في البدائع: ولأن لبس المخيط من باب الارتفاق بمرافق المقيمين والترفه في اللبس وحال المحرم ينافيه. (بدائع الصنائع: ۲/۱۸٤، سعيد).
(وكذا في الدر المختار مع رد المحتار: ۲/٤۸۹، سعيد، وجواهر الفقه: ٤/۱۰۹، دار العلوم كراچي).

عمدۃ الفقہ میں ہے:
اگر کسی محرم نے طیلسان پہنا اور اس کو گھنڈی (تکمہ) یعنی بٹن نہیں لگائی تو کوئی مضائقہ نہیں کیوں کہ اس طرح یہ خود بخود جسم پر نہیں ٹھہرا رہا لہذا اس کی حفاظت میں تکلف و عمل کی ضرورت پڑتی ہے پس اگر اس کو تکمہ لگایا تو اب یہ سلے ہوے کپڑے کا پہننا ہو جائے گا کیوں کہ سلائی کے ذریعہ احاطہ بدن کے ساتھ ساتھ اس کا تکمہ کے ذریعہ جسم پر ٹھہرنا بھی حاصل ہو گیا ۔ (عمدۃ الفقہ: ٤/۱۳۹، محرمات و ممنوعاتِ احرام) ۔
واللہ سبحانہ و تعالی اعلم