غیر معتاد طریقہ پر طلاق بالکتابت کا حکم:

غیر معتاد طریقہ پر طلاق لکھنے سے بغیر نیت کے طلاق واقع نہیں ہوتی، ہاں طلاق کی نیت سے لکھا تو طلاق واقع ہو جائے گی ۔ اور صورتِ مسئولہ میں چونکہ مذاق میں طلاق کے الفاظ میں طلاق واقع کرنے کی نیت نہیں ہے، اس لیے طلاق واقع نہیں ہوئی ۔
ملاحظہ ہو شامی میں ہے:

ومستبين غير مرسوم كالكتابة على الجدران وأوراق الأشجار أو على كاغذ لا على الوجه المعتاد فلا يكون حجة إلا بانضمام شيء آخر إليه كالنية. (فتاوى الشامي، مسائل شتي: ٦/۷۳۷).

مجموعہ قوانین اسلامی میں ہے:
کتابت مستبینہ غیر مرسومہ سے طلاق ایسی صورت میں واقع ہو گی جب کہ شوہر کہے کہ میری نیت بیوی کو طلاق دینے کی تھی ۔ رد المحتار میں ہے:
وإن كانت مستبينة لكنها غير مرسومة إن نوى الطلاق يقع وإلا لا. (
مجموعہ قوانین اسلامی، ص ۱۳۰) ۔
مزید ملاحظہ ہو: (
مجمع الأنهر: ۲/۷۳۳، الفتاوى الهندية: ٦/٤٤۲).

واللہ سبحانہ و تعالی اعلم