بحالت نشہ طلاق نامہ پر دستخط کروانے کا حکم:

بصورتِ مسئولہ دھوکہ بازی اور بغیر اطلاع کے سادہ کاغذ پر دستخط کروانے سے طلاق واقع نہیں ہوئی ۔
ملاحظہ ہو فتاوی دار العلوم دیوبند میں ہے:
فرضی طور سے کسی کی طرف سے طلاق نامہ لکھ دینے سے اور بدون اطلاع اس امر کے کہ اس کاغذ میں طلاق لکھی ہوئی ہے، شوہر کا انگوٹھا لگوا لینے سے طلاق واقع نہیں ہوتی، اسی طرح سفید سادہ کاغذ پر کسی حیلہ سے شوہر کا انگوٹھا لگوا کر بعد میں اس کاغذ میں طلاق لکھ دینے سے شوہر کی طرف سے طلاق واقع نہ ہو گی ۔

كما في حديث ابن ماجة: "الطلاق لمن أخذ بالساق". الخ.
اور شامی میں ہے:
وكذا كل كتاب لم يكتبه بخطه ولم يمله بنفسه لا يقع الطلاق مالم يقر أنه كتابه.

پس اس صورت میں شوہر کی طرف سے طلاق نہیں ہوئی ۔ (فتاوی دار العلوم دیوبند: ۹/۱۰۲، دار الاشاعت) ۔
و کذا فی فتاوی محمودیہ: ۱۲/٦٤٤) ۔
واللہ سبحانہ و تعالی اعلم