موقوفہ دراہم و دنانیر کے مصارف کا حکم:

موقوفہ دراہم و دنانیر یا رینڈ کے سرمایہ کو باقی رکھتے ہوے اس کے منافع کارِ خیر میں خرچ کیے جائیں، مثلاً مضاربت پر لگا کر اصل سرمایہ باقی رکھے اور نفع خرچ کریں ۔
ملاحظہ ہو علامہ شامی فرماتے ہیں:

وعن الأنصاري وكان من أصحاب زفر رحمه الله فيمن وقف الدراهم أو ما يكال أوما يوزن أيجوز ذلك قال: نعم، قيل: وكيف! قال: يدفع الدراهم مضاربة ثم يتصرق بها في الوجه الذي وقف عليه وما يكال أو يوزن يباع ويدفع ثمنه مضاربة أو بضاعة. (فتاوى الشامي: ٤/۳٦٤، سعيد. وكذا في خلاصة الفتاوى: ٤/٤۱۸. وكذا في مجمع الأنهر: ۱/۷۳۹).

احسن الفتاوی میں ہے:
دراہم و دنانیر کا وقف صحیح ہے مگر چونکہ وقف میں انتفاع بالمنافع مع بقاء العین ہوتا ہے، اس لیے وقف دراہم میں یہ شرط ہے کہ اصل دراہم کو خرچ نہ کریں بلکہ ان کے منافع کو خرچ کریں، یا ان سے کوئی چیز خرید کر اس کے منافع کو فقیر پر خرچ کریں ۔ (احسن الفتاویٰ: ٦/٤۱٦) ۔
واللہ سبحانہ و تعالی اعلم