گراج کارڈ اور اس کا حکم:

گراج کارڈ کا عام طریقہ کار یہ ہے کہ اس کے ذریعہ پٹرول ڈالتے رہو اور ہر مہینے کے آخر میں پورا اسٹیٹ منٹ آپ کو مل جائے گا اور جتنا آپ نے پٹرول ڈالا تھا اسی کے مطابق رقم ادا کرنا ہے ادا کرنا ہے مزید ادا کرنے کی ضرورت نہیں ہے، یہ طریقہ تو ٹھیک ہے کیوں کہ کوئی سود وغیرہ مزید عائد نہیں ہوا جتنا قرض لیا اتنا ادا کر دیا، لیکن صورتِ مسئولہ میں چونکہ ۱۵ فیصد مزید لینے کا ذکر ہے اگر یہ صورتِ حال ہو تو اس کی گنجائش نہیں ہے یہ صریح سود ہے ۔ ہاں اگر کمپنی کی طرف سے یہ مہلت مل جائے کہ مثلاً ایک ماہ کے اندر ادا کر دی تو کوئی اضافی رقم ادا کرنے کی ضرورت نہیں ہے اور اگر مہینے کے بعد ادا کرے تو ۱۵ فیصد مزید ادا کرنا ہو گا تو اس کی گنجائش ہو گی اس طرح کہ سود تک پہنچنے کی نوبت نہ آنے دے اور متعینہ مدت میں ادا کرتا رہے ۔
ملاحظہ ہو فتاوی عثمانی میں ہے:
جب کارڈ کو استعمال کیا جائے تو مقررہ مدت کے اندر اندر بل کی ادائیگی کا اہتمام ضروری ہے، تاکہ سود نہ لگے، اور اس کے لیے بہتر طریقہ یہ ہے کہ Direct Debitکا طریقہ اختیار کیا جائے، یعنی کارڈ والے براہِ راست آپ کے بینک سے بل کی رقم وصول کر لیں، تاکہ غیر ارادی طور پر بھی تاخیر کی وجہ سے سود عائد نہ ہو ۔ (فتاوی عثمانی:
۳
/
۳۵۳
) ۔
در مختار میں ہے:

وما يصح ولا يبطل بالشرط الفاسد لعدم المعاوضة المالية

القرض والهبة. وفي الشامية: (قوله القرض) كأقرضتك هذه المائة بشرط أن تخدمني سنة، وفي البزازية: وتعليق القرض حرام والشرط لا يلزم. (الدر المختار مع رد المحتار: ۵/۲٤۹، باب ما يبطل بالشرط الفاسد، سعيد).

واللہ سبحانہ و تعالی اعلم
مادہ جانور کو ادھیا پر دینے کا حکم:
سوال: بعض لوگ کسی کو جانور دیتے ہیں اور یہ شرط لگاتے ہیں کہ اس جانور کے چارہ اور رکھنے کی ذمہ داری آپ پر ہو گی اور دودھ اور بچے آدھے آدھے ہوں گے، اس طرح معاملہ صحیح ہے یا نہیں؟
الجواب: بعض حضرات اس معاملہ کو عرف کی وجہ سے جائز کہتے ہیں، اس کا ناجائز ہونا قفیز الطحان پر قیاس کی وجہ سے تھا، اب عرف کی وجہ سے یہ جائز ہے کیوں کہ عرف قیاس پر غالب ہے، اور بعض حضرات اس کو ناجائز فرماتے ہیں کہ عرفِ عام نہیں ہوا، اور جواز کی یہ تدبیر کرتے ہیں کہ مالک اپنے جانور کا آدھا حصہ جانور رکھنے والے کے ہاتھ فروخت کر دے اور قیمت معاف کر دے تو جانور مشترک ہو جائے گا، اور اس کے بعد دودھ اور بچے سب مشترک ہو جائیں گے ۔ مستفاد از ایضاح المسائل، ص ۱۵۸ ۔ لیکن اس طریق پر یہ اشکال ہے کہ اگر پرورش کرنے والا پرورش سے انکار کر دے کہ میں اس جانور کو فروخت کر کے قیمت تقسیم کرنا چاہتا ہوں یا پرورش میں اصل مالک سے نصف حصہ مانگ لے تو مالک بظاہر اس کے لیے تیار نہیں ہو گا ۔ اس لیے عرف کی وجہ سے اس کو جائز کہنا ہی مناسب ہے ۔

باب

(۲)
مصارف ربا كا بيان