کنگرو کا گوشت کھانے کا شرعی حکم:

بصورتِ مسئولہ ہرن کے گوشت کی طرح کنگرو کا گوشت کھانا بھی جائز اور درست ہے ۔ بعض ماہرین سے تحقیق کرائی گئی تو معلوم ہوا کہ کنگرو بالکل گوشت نہیں کھاتا بلکہ ہرن وغیرہ کی طرح صرف گھاس چارہ کھاتا ہے اور ذو ناب بھی نہیں ہے کہ اپنے دانتوں اور داڑھوں سے شکار کرتا ہو اس لیے اس کے کھانے میں کوئی حرج نہیں ہے ۔
ملاحظہ ہو عالمگیری میں ہے:

وأما المتوحش نحو الظباء وبقر الوحش وحمر الوحش وإبل الوحش فحلال بإجماع المسلمين. (الفتاوى الهندية: ۵/۲۸۹).
الموسوعة الفقهية
میں ہے:

النوع الرابع: كل وحش ليس له ناب يفترس به وليس من الحشرات: وذلك كالظباء، وبقر الحش، وحمر الوحش، وإبل الوحش، وهذا النوع حلال بإجماع المسلمين، لأنه من الطيبات. (الموسوعة الفقهية الكويتية: ۵/۱۳٤، ط: وزارة الاوقاف).

٭ کنگرو (kangaroo) آسٹریلیا کا ایک جانور جس کی اگلی ٹانگیں چھوٹی اور پچھلی بڑی ہوتی ہیں، اس کے پیٹ میں ایک تھیلی ہوتی ہے جس میں وہ اپنے بچے کو بٹھا لیتا ہے ۔ (فیروز اللغات، ص
۱۰۳٦
، و قاموس انگریزی، عربی، ص
٦۲۸
) ۔
انسائیکلوپیڈیا میں یہ بھی مذکور ہے:
اس کی غذا میں عام طور پر درختوں کے پتے، کھاس اور نباتات وغیرہ ہوتے ہیں، اور اس کے دانتوں میں انیاب بھی نہیں ہوتے ۔ (انکاٹاانسائیکلوپیڈیا) ۔
واللہ سبحانہ و تعالی اعلم