دندان سازی کے لیے جانور کی ہڈی استعمال کرنے کا حکم:

جانوروں کی ہڈیوں سے فائدہ اٹھانا جائز اور درست ہے۔ چاہے وہ جانور شرعی طریقہ پر ذبح کیے گئے ہوں یا ذبح نہ کیے گئے ہوں۔ کیوں کہ ہڈیوں میں حیات نہیں ہے لہذا موت بھی حلول نہیں کرتی۔
ملاحظہ ہو ہدایہ میں ہے:

ولا بأس ببيع عظام الميتة وعصبها

والانتفاع بذلك كله لا نها طاهرة لا يحلها الموت لعدم الحياة. (الهداية: ۳/۵۵).

بدائع الصنائع میں ہے:

وأما عظم الميتة وعصبها وشعرها

فيجوز بيعها والانتفاع بها عندنا. (بدائع الصنائع: ۵/۱٤۲، سعيد).

حضرت مفتی محمد شفیع صاحب رحمہ اللہ فرماتے ہیں:
حیوانات کے اعضاء سے یہ کام لیا جائے یہ بھی قدیم زمانہ سے جاری تھا یہ دونوں صورتیں دینی، دنیوی، شخصی، اجتماعی، ہر حیثیت سے بے خطر بے ضرر ہیں زمین کی تمام مخلوقات معدنیات، نباتات حیوانات کو انسان اپنے فائدہ کے لیے استعمال کرتا ہے اور اس فائدہ کے لیے ان چیزوں کو کاٹ چھانٹ کر، کوٹ پیس کر بلکہ جلا کر اور کیمیائی تحلیل کے طریقوں سے استعمال کر سکتا ہے۔ (جواہر الفقہ، جلدِ ہفتم، ص ۵۱۔ ۵۳)۔
مزید ملاحظہ ہو: (جدید فقہی مباحث، جلدِ اول، و نئے مسائل اور علمائے ہند کے فیصلے، ص ۱٤۳، و عصر حاضر کے پیچیدہ مسائل کا شرعی حل، ص ۱۵۸)۔
واللہ سبحانہ و تعالی اعلم