عطر لگانے کا طریقہ:

نبی پاک ﷺ عطر استعمال فرماتے تھے، اور خوشبو کو بہت زیادہ پسند فرماتے تھے اور ہر اچھی چیز میں داہنی جانب کو ترجیح دیتے تھے، بنا بریں عطر استعمال کرنا سنت ہے اور دائیں ہاتھ سے لیکر جس جگہ لگانا ہو اللہ تعالی کا نام لے کر لگائے ۔
ملاحظہ ہو بخاری شریف میں ہے:

عن عائشة رضي الله عنه قالت: كان النبي ﷺ يحب التيمن ما استطاع في شأنه كله في طهوره وترجله وتنعله. (رواه البخاري، رقم: ٤۲٦).

امام نووی رحمه الله فرماتے ہیں:

يستحب البداءة باليمني في كل ما كان من باب التكريم والزينة والنظافة ونحو ذلك

الخ. (شرح صحيح مسلم: ۱٤/ ۷٤، دار إحياء التراث العربي، بيروت).

حضرت مولانا محمد یوسف لدھیانوی رحمه الله فرماتے ہیں:
عطر لگانے کا کوئی خاص طریقہ مسنون نہیں، البتہ دائیں جانب سے ابتدا کرنا سنت ہے ۔ (آپ کے مسائل اور ان کا حل:
۸
/
۳٤۳
، طبع جدید) ۔
واللہ سبحانہ و تعالی اعلم