ابرار الحق نام رکھنے کا حکم:

گاہے گاہے ایک شخص کے لیے جمع کا لفظ بطورِ مبالغہ یا بطورِ تفاؤل استعمال کیا جاتا ہے گویا کہ وہ شخص پوری جماعت کے برابر ہیں، جیسے حضرت ابراہیم علیہ السلام کے لیے قرآنِ کریم میں امت کا لفظ وارد ہوا ہے ۔
قال الله تعالى: ﴿إن إبراهيم كان أمة قانتاً لله حنيفاً﴾

حضرت مفتی محمد شفیع صاحب رحمه الله نے امت کے معنی جامع الکمالات بتلائے ہیں ۔ (معارف القرآن:
۵
/
٤۰۵
) ۔
امام قرطبی فرماتے ہیں:
والأمة الرجل الجامع للخير. (تفسير قرطبي: ۱۰/۱۹۷).

تفسیر الخازن میں ہے:

سمي إبراهيم عليه السلام أمة لأنه اجتمع فيه من صفات الكمال وصفات الخير الأخلاق الحميدة ما اجتمع في أمة، ومنه قول الشاعر:
ليس على الله بمستنكر

٭

أن يجمع العالم في واحد
(تفسير الخازن: ٤/۱۲۲، ط: دار الفكر).

مزید ملاحظہ ہو : (
تفسير النسفي، وروح المعاني: ۱٤/۲٤۹، وتفسير الفخر الرازي: ۱۰/۱۳٦، وتفسير السمرقندي: ۲/۲۵٤).

اسی طرح کعب بن ماتع الحمیری کو احبار کہا جاتا ہے، احبار حبر کی جمع ہے حبر ایک متقی عالم کو کہتے ہیں چونکہ ان کا تقوی بہت سے متقیوں کے برابر تھا ۔
ملاحظہ ہو : (
سير اعلام النبلاء: ۳/٤۸۹، وتهذيب الكمال: ۲٤/۱۸۹، و ۱۹۲).

اسی طرح عبید اللہ احرار کو احرار کہتے ہیں احرار حر کی جمع ہے اس کا مطلب دنیا کی محبت سے آزاد ۔
ان کا نام خواجہ نصیر الدین عبید اللہ احرار ۔ ولادت ٤/ رمضان المبارک ۸۰٦٦ ھ بمطابق ۱٤۹۰؁ ء بمقام از بکستان اور وفات ۲٦/ربیع الاول بروزِ دو شنبہ ۔ سلسلہ نقشبندیہ کے بزرگ تھے ۔
اسی طرح خواجہ نظام الدین اولیاء کو اولیاء کہتے ہیں ۔ ملاحظہ ہو : (بزم صوفیہ، ص
۲۱۸
) ۔
واللہ سبحانہ و تعالی اعلم