تا حیات متولی کو منتخب کرنے کا حکم:

متولیوں کو پوری زندگی کے لیے بھی منتخب کیا جا سکتا ہے اور وہ اس منصب پر تا حیات موت تک برقرار رہ سکتے ہیں جب تک کہ ان سے کوئی خیانت یا خلافِ شرع بات صادر نہ ہو چنانچہ خلفائے راشدین رضی اللہ تعالی عنہم کو جب خلافت دی گئی تو یہ تقرر فقط ایک مقررہ مدت کے لیے نہیں تھا بلکہ پوری زندگی کے لیے تھا اور اس زمانے میں بھی مدارس کے جو ممبران منتخب کیے جاتے ہیں تو وہ عام طور پر پوری زندگی کے لیے ہوتے ہیں مدتِ مقررہ کے لیے نہیں ۔ ہاں اگر اراکین نے (۔) میں لکھا کہ ان کا تقرر ایک وقت تک کے لیے ہے تو یہ بھی درست ہے ۔