قوالی سے حاصل شدہ رقم مسجد میں لگانے کا حکم:

قوالی سے حاصل شدہ رقم مکروہ بلکہ ناجائز ہے اس کو مسجد پر خرچ نہ کی جائے مسجد میں پاکیزہ رقم خرچ کیا کرے ۔
فتاوی رحیمیہ میں ہے:
مسجد خدا کا مقدس اور پاکیزہ گھر ہے اس کی تعمیر و درستگی میں حلال اور پاکیزہ مال استعمال کیا جائے، حرام کمائی مسجد میں استعمال کرنا منع ہے اور مکروہ ہے، حدیث شریف میں ہے: خدا تعالی پاکیزہ مال قبول فرماتے ہیں لہذا حرام اور مشتبہ مال سے مسجد بنانے کی شرعاً اجازت نہیں ۔ (فتاوی رحیمیہ ٦/۹۹)
فتاوی محمودیہ میں ہے:
اور جو خالص حرام کمائی کا روپیہ ہو اس کو اپنے ذاتی یا دینی کاموں میں خرچ کرنا درست نہیں ۔ (فتاوی محمودیہ ۵/۱۳٦) ۔
خلاصہ یہ کہ قوالی سے حاصل شدہ پیسہ مسجد میں نہیں لگانا چاہیے ایسے اموال کو مسجد میں خرچ کرنے سے اجتناب کرنا چاہیے ۔