مخصوص قسم کی کریم کی تجارت اور اس کے استعمال کرنے کا حکم:

بصورتِ مسئولہ مذکورہ بالا کریم کے تمام مکونات صحیح اور درست ہیں، فقط ایک چیز کیڑا یہ حشرات الارض میں سے ہے، لیکن چونکہ اس میں دمِ سائل نہیں ہے لہٰذا میتہ یا ناپاک نہیں، پاک ہے، بنا بریں خارجی استعمال درست ہے اور اس کی تجارت بھی جائز اور درست ہے، ہاں غیر شادی شدہ نوجوانوں کو بے حیائی اور فحش کاری کے لیے استعمال کرنے کی اجازت نہیں ہو گی، نیز ایسی جگہوں پر جا کر بھی نہ بیچا جائے جو فحش کاری اور زنا کاری کے اَڈے ہیں ۔ ملاحظہ ہو فتاوی شامی میں ہے:

لم يذكروا دودة القرمز أما إذا كانت حية فينبغي جريان الخلاف الآتي في دود القز وبزره وبيضه وأما إذا كانت ميتة وهو الغالب فإنها علي ما بلغنا تخنق في الكلس أو الخل فمقتضي ما مر بطلان بيعها بالدراهم لأنها ميتة، وقد ذكر سيدي عبد الغني النابلسي في رسالة أن بيعها باطل وأنه لا يضمن متلفها لأنها غير مال، قلت: وفيه أنها من أعز الأموال اليوم ويصدق عليها تعريف المال المتقوم ويحتاج إليها الناس كثيراً في الصباغ وغيره فينبغي جواز بيعها كبيع السرقين والعذرة المختلطة بالتراب مع أن هذه الدودة إن لم يكن لها نفس سائلة تكون ميتتها طاهرة كالذباب والبعوض وإن لم يجز أكلها، وسيأتي أن جواز البيع يدور مع حل الانتفاع. (فتاوى الشامي: ۵/۵۱، سعيد).

فتاوی رحیمیہ میں مذکور ہے: مکھی اور چیونٹی میں دمِ سائل نہیں ہے اس لیے پاک ہے مگر کھانا حلال نہیں، خارجی استعمال ہر طرح درست ہے، داخلی استعمال درست نہیں ۔ (فتاوی رحیمیہ: ٦/۲۵) ۔
بہشتی زیور میں مذکور ہے:
مسئلہ: دریائی جانور سب پاک ہیں چھوٹے ہوں یا بڑے مذبوح ہوں یا غیر مذبوح، ہاں کھانا کسی کا سوائے مچھلی کے مذہبِ حنفی میں درست نہیں تو خارجی استعمال تمام حیوانات دریائی کا اور ان کے تمام اجزاء کا درست ہوا ۔ (بہشتی زیور، نواں حصہ، ۷۷۸، ط: دار الاشاعت) ۔
مزید ملاحظہ ہو : (فتاوی دار العلوم زکریا: ٦/۷۷۰) ۔
واللہ سبحانہ و تعالی اعلم