حالت قیام میں عورتوں کا قدمین کے درمیان فاصلہ رکھنے کا حکم:

عورتوں کے لیے بھی مناسب یہ ہے کہ دونوں قدموں کے درمیان بقدر چہار انگشت فاصلہ رکھیں جیسا کہ کتبِ فقہ میں مذکور ہے اور اس مقام پر مرد و عورت میں فرق نہیں کیا گیا ۔
ملاحظہ ہو مراقی الفلاح میں ہے:

ويسن تفريج القدمين في القيام قدر أربع أصابع لأنه أقرب إلى الخشوع. وفي الطحطاوي: نص عليه في كتاب الأثر عن الإمام ولم يحك فيه خلافاً. (مراقي الفلاح مع الطحطاوي: ص ۲٦۲، فصل في بيان سننها، قديمي. وكذا في الشامي: ۱/٤٤٤، بحث القيام، سعيد. والفتاوى الهندية: ۱/۷۳، الفصل الثالث في كيفية الصلاة)

امداد الاحکام میں ہے:

قال في الدر المختار: وينبغي أن يكون بينهما مقدار أربع أصابع اليد لأنه أقرب إلى الخشوع هكذا روي عن أبي النصر الدبوسي أنه كان يفعله كذا في الكبرى
اس سے معلوم ہوا کہ بحالتِ قیام دونوں پیروں میں چار انگل کا فصل مناسب ہے، اور اسی حکم سے کسی جگہ عورتوں کو مستثنی نہیں کیا گیا پس ان کے لیے بھی یہی مناسب ہے ہاں رکوع و سجود کی کیفیت مرد و عورت کی مختلف ہے، واللہ اعلم ۔ (امداد الاحکام : ۱/٤٦٦، دار العلوم کراچی) ۔
واللہ سبحانہ و تعالی اعلم