تجوید میں بے احتیاطی کرنے والے کے پیچھے نماز تراویح کا حکم:

صورتِ مسئولہ میں اگر حافظ بہت تیزی سے پڑھتا ہے کہ مقتدیوں کو کچھ سمجھ میں نہیں آتا اور لحنِ جلی کرتا ہے تو نماز درست نہیں ہو گی، اور لحن خفی کرتا ہے تو نماز فاسد تو نہیں ہو گی مگر مکروہ ضرور ہو گی، نیز قرآن مجید کو بے پر واہی اور بغیر تجوید کی رعایت کے پڑھنا سخت گناہ ہے ۔ ملاحظہ ہو فتاوی قاضی خان میں ہے:

ولا ينبغي للقوم أن يقدموا في التراويح الخوشخواں
(اچھی آواز والا)
ولكن يقدموا الدرستخواں
(صحیح پڑھنے والا)
فإن الإمام إذا كان يقرأ بصوت حسن يشغل عن الخشوع والتدبر والتفكر وكذا لوكان الإمام لحاناً لا بأس بأن يترك مسجد ه. (فتاوى قاضيخان على هامش الهندية: ۱/۲۳۸، فصل في مقدار القراءة في التراويح. وكذا في شرح منية المصلي: ٤۰۷، سهيل. وكذا في الفتاوى الهندية. وعلى هامشه قال: قوله: الخوشخواں معناه حسن الصوت والدرستخواں صحيح القراءة ۱/۱۱٦)

فتاوی رحیمیہ میں ہے:
جمال القرآن میں ہے: تجوید کے خلاف قرآن پڑھنا یا غلط پڑھنا یا بے قاعدہ پڑھنا لحن کہلاتا ہے اور یہ لحن دو قسم کا ہے ایک یہ کہ ایک حرف کی جگہ دوسرا حرف پڑھ دیا جیسے الحمد کی جگہ الھمد پڑھ دیا، ش کی جگہ س پڑھ دیا بڑی ح کی جگہ چھوٹی ھ پڑھ دی یا ذال کی جگہ زاء پڑھ دیا ص کی جگہ س پڑھ دیا ان غلطیوں کو لحن جلی کہتے ہیں اور یہ حرام ہے بعض جگہ اس سے معنی بگڑ کر نماز بھی جاتی رہتی ہے ۔ (جمال القرآن)
لہذا اس طرح پڑھنے والا امامت کے لائق نہیں ہے اسے لازم ہے کہ پہلے قرآن صحیح پڑھنا سیکھے تب امامت کرائے ۔ (فتاوی رحیمیہ: ٤/
۳٥۱
، باب الامامۃ)
دوسری جگہ مرقوم ہے:
جب امام کی قراءت صاف اور صحیح نہیں ہے اور مقتدیوں کو سمجھ میں نہیں آتا تو ان کے لیے امامت کرنا درست نہیں، مقتدیوں کو چاہیے کہ کسی ایسے امام کا انتظام کریں جو قرآن شریف صاف اور صحیح پڑھے ۔ (فتاوی رحیمیہ:
۱/۱۸۸

نیز ملاحظہ ہو: احسن الفتاوی:
۳/٦۹
۔ و فتاوی دار العلوم دیوبند: ٤/
۱٥۹
، مدلل و مکمل، دار الاشاعت ۔
واللہ سبحانہ و تعالی اعلم