عید کے دن قبرستان جانے کا حکم:

عیدین کے دن قبرستان جانا درست ہے بلکہ علماء نے افضل ایام میں شمار فرمایا ہے اس لیے مستحب ہو گا ۔ لیکن اس کو لازم اور سنت نہیں سمجھنا چاہیے ۔ ملاحظہ ہو فتاوی ہندیہ میں ہے:

وأفضل أيام الزيارة أربعة

وكذلك في الأزمنة المتبركة كعشر ذي الحجة والعيدين

(الفتاوى الهندية: ٥/۳٥۰، في زيارة القبور)

عمدۃ الفقہ میں ہے:
جمعہ یا ہفتہ یا پیر یا جمعرات کے دن زیارتِ قبور مستحب ہے سب سے افضل جمعہ کا دن اور صبح کا وقت ہے، شبِ برات میں اور ذی الحجہ کے دس دنوں میں اور عیدین میں اور عشرۂ محرم میں بھی قبروں کی زیارت کرنا افضل ہے ۔ (عمدۃ الفقہ: کتاب الصلاۃ حصہ دوم: ۵۳۸، زیارتِ قبور کا بیان، المجددیہ)
نیز ملاحظہ ہو: فتاوی محمودیہ: ۹/۲۰۱، عید کے دن زیارتِ قبور، جامعہ فاروقیہ) ۔
واللہ سبحانہ و تعالی اعلم