نماز سے قبل شلوار موڑنے کا حکم:

جو چیز نماز سے باہر مکروہ ہے نماز میں بطریق اولیٰ مکروہ ہے اور کراہت کا ازالہ نماز سے قبل کرنا چاہیے لہذا اس طرح کرنے میں کوئی حرج نہیں ہاں اصل یہ ہے کہ ان لوگوں کو سمجھا دیں کہ یہ فعل خارج الصلاۃ بھی مکروہ ہے لہذا پاجامہ اور شلوار ٹخنوں سے اوپر سلوا لیا کریں۔ ملاحظہ ہو بخاری شریف میں ہے:

عن أبي هريرة رضي الله عنه عن النبي ﷺ قال: "ما أسفل من الكعبين من الإزار في النار". (رواه البخاري: ۲/۸٦۱/٥٥٥۹، باب ما أسفل من الكعبين فهو في النار، فيصل)

نماز میں کپڑا لٹکانا مکروہ ہے لہذا فقہاء نے فرمایا کہ نماز سے قبل ٹھیک کر لے ۔
ملاحظہ ہو فتاوی لکھنوی میں ہے:

ويكره السدل وهو أن يرسله من غير أن يضم جانبه وقيل: هو أن يلقيه على رأسه ويرخيه

قال في فتح القدير: (۱/۳٥۹) يصدق على ما إذا كان المنديل مرسلاً في كتفيه كما يعتاده كثير فينبغي لمن يعتاده أن يضعه عند الصلاة. (فتاوى اللكنوي: ۳۰۱، بيروت)

نیز فقہاء فرماتے ہیں کہ کراہت کا ازالہ نماز میں بھی جائز ہے تو خارج الصلاۃ بدرجۂ اولیٰ جائز بلکہ مستحب ہوگا۔
ملاحظہ ہو فتاوی لکھنوی میں ہے:

فان سقطت قلنسوة من رأسه وأمكنه أن يرفعها بيد واحدة، الأولى أن لا يصلي مكشوف الرأس كذا في خزانة الروايات. (فتاوى اللكنوي: ۳۰۱، بيروت)

نیز حدیث شریف میں ہے:
حضرت عبد اللہ بن عباس رضي الله عنه فرماتے ہیں ایک مرتبہ رات کی نماز میں حضور ﷺ کی بائیں جانب کھڑا ہو ا تو آپ عليه الصلاۃ و السلام نے مجھے داہنی طرف کر دیا یعنی نماز میں کراہت کا ازالہ فرمایا ۔
ملاحظہ ہو بخاری شریف میں ہے:

عن ابن عباس رضي الله عنه قال

فتوضأ ثم قام يصلي فقمت عن يساره فأخذني فجعلني عن يمينه. (بخاري شريف: ۱/۹۷).

واللہ سبحانہ و تعالی اعلم