Iddat for the wife of Murtad

[i] ارتدادِ شوہر:اگر معاذ اللہ کسی عورت کا شوہر مرتد ہو کر اسلام سے پھر جائے تو بالاجماع ائمہ اربعہ و باتفاق جمہور فقہاء اس کا نکاح خود فسخ ہو جائے گا، اس میں قضائِ قاضی اور حکمِ حاکم کی بھی کوئی ضرورت نہیں ۔

اگر خلوتِ صحیحہ سے قبل مرتد ہوا ہے تو خاوند پر نصف مہر لازم ہے، اور عورت پر عدت بھی واجب نہیں ہے، اور اگر خلوت صحیحہ کے بعد مرتد ہوا ہے تو شوہر پر پورا مہر لازم ہے، اور عورت پر عدت بھی واجب ہے، نیز اس مرتد شخص پر عدت کا خرچہ بھی لازم ہے، اور عدت گذرنے کے بعد عورت اپنی مرضی سے جہاں چاہے دوسرا نکاح کرکے باعصمت زندگی گذار سکتی ہے۔ (الحیلۃ الناجزۃ قدیم ص ۹۷؍ و ۱۷۲) فتاوي قاسمىه ص ٣٥٤ ج ١٦ ط: مکتبہ اشرفیہ دیوبند