سحری کے وقت منہ میں پان رکھ کر سو جانے سے قضا اور کفارہ کا حکم:

صورتِ مسئولہ میں روزہ فاسد ہو جائے گا اور صرف قضا واجب ہو گی اس لیے کہ کچھ نہ کچھ ذائقہ حلق میں گیا ہوگا، اور حالتِ نوم میں کھانے پینے سے صرف قضا ہے کفارہ لازم نہیں ہے ۔
ملاحظہ ہو در مختار میں ہے:

وإن أفطر خطأ كان تمضمض فسبقه الماء أو شرب نائماً. (الدر المختار: ۲/ ٤۰۱، باب ما يفسد الصوم وما لا يفسده، سعيد).

فتاوی ہندیہ میں ہے:

النائم إذا شرب فسد صومه. (الفتاوى الهندية: ۱/ ۲۰۳).

مراقی الفلاح میں ہے:

باب ما يفسد الصوم ويوجب القضاء من غير كفارة

أو صب أحد في جوفه ماء وهو أي صائم نائم لوصول المفطر إلى جوفه كما لو شرب وهو نائم وليس كالناسي لأنه تؤكل ذبيحته وذاهب العقل والنائم لا تؤكل ذبيحتهما. (مراقي الفلاح: ص ۲٤۵، باب ما يفسد الصوم من غير كفارة).

امداد الفتاوی میں ہے:
اگر سوتے وقت پان منہ میں لے کر سوئے اور صبح تک منہ میں رہا، روزہ جاتا رہے گا ۔ (امداد الفتاوی: ۲/ ۲۰۳)
بہشتی زیور میں ہے:
منہ میں پان دبا کر سو گیا اور صبح ہو جانے کے بعد آنکھ کھلی تو روزہ نہیں ہوا قضا رکھے اور کفارہ واجب نہیں ۔ (بہشتی زیور: تیسرا حصہ: ۱۲) ۔
واللہ سبحانہ و تعالی اعلم