اعتکافِ مسنون میں روزہ فاسد ہو جانے سے اعتکاف کا حکم:

اعتکاف کے لیے روزہ شرط ہے، جب روزہ توڑ دے یا کسی وجہ سے ٹوٹ جائے تو اعتکاف بھی فاسد ہو جاتا ہے، لہذا صورتِ مسئولہ میں بھی اعتکاف فاسد ہو گیا اور اس دن کی قضا لازم ہے ۔
ملاحظہ ہو فتاوی شامی میں ہے:

ومقتضي ذلك أن الصوم شرط أيضاً في الاعتكاف المسنون لأنه مقدر بالعشر الأخير حتى لو اعتكفه بلا صوم لمرض أو سفر ينبغي أن لا يصح عنه، بل يكون نفلاً فلا تحصل به إقامة سنة الكفاية. (الشامي: ۲/٤٤۲، باب الاعتكاف، سعيد).

فتاوی ہندیہ میں ہے:

وإذا فسد الاعتكاف الواجب وجب قضاؤه فإن كان اعتكاف شهر بعينه إذا أفطر يوماً يقضي ذلك اليوم

(الفتاوى الهندية: ۱/۲۱۳).

بدائع الصنائع میں ہے:

ولو أكل أو شرب في النهار عامداً فسد صومه وفسد اعتكافه لفساد الصوم. (بدائع الصنائع: ۲/۱۱٦، سعيد).

فتاوی محمودیہ میں ہے:
عشرۂ اخیرہ کا اعتکاف سنتِ مؤکدہ علی الکفایہ ہے، اگر بغیر روزہ کے یہ اعتکاف کیا تو یہ اعتکاف مسنون نہیں ہوگا، بلکہ نفل بن جائے گا، البتہ اگر ایک دن روزہ نہ رکھا تو صرف ایک دن کے اعتکاف کی قضاء لازم ہو گی ۔ (فتاوی محمودیہ: ۱۰/۲۲۰، مبوب و مرتب)۔
مزید ملاحظہ ہو: (احسن الفتاوی: ٤/۵۰۱۔ و فتاوی حقانیہ: ٤/۱۹٦)۔
واللہ سبحانہ و تعالی اعلم