طوافِ بیت اللہ اور صفا مروہ کی سعی کی حکمت:

انبیاء علیہم السلام خصوصاً حضرت ابراہیم علیہ السلام اور محمد ﷺ نے طواف اور سعی فرمائی، ان کی اقتداء اور مشابہت بہت بڑی سعادت ہے، انوار اور فیوضات کے حصول کا ذریعہ ہے لوگ دنیا میں مشہور کھلاڑیوں کی مشابہت حاصل کر کے فخر کرتے ہیں اور خوش ہوتے ہیں، کیا انبیاء علیہم الصلوٰۃ و السلام کی مشابہت اور اتباع برکات کے حصول کا ذریعہ نہیں ہو گی؟ یقیناً ہو گی ۔ آیتِ کریمہ:
﴿ومن يطع الرسول فقد أطاع الله﴾. (سورة النساء)
اور حدیث شریف: "
من تشبه بقوم فهو منهم". (أبو داود).
ہمارے سامنے ہونا چاہیے، نیز بیت اللہ شریف اللہ تعالی کا گھر اور دین کی علامت ہے، اس کے چکروں میں یہ اشارہ ملتا ہے کہ زمین اور دنیا گول ہے، یعنی میں دین کو پھیلانے کے لیے اور دین کا سکہ جمانے کے لیے پوری زمین کا چکر لگانے کا عہد کرتا ہوں ۔
﴿وما أرسلناك إلا كافة للناس بشيراً ونذيراً﴾
کو سامنے رکھتے ہوے دین کا ڈنکا بجاتا رہوں گا ۔ اور صفا مروہ کی سعی حضرت ہاجرہ رضی اللہ عنہا کی طلبِ رزق کی یادگار ہے ۔ جس میں اشارہ ہے کہ طلبِ رزق کے لیے ایک جگہ سے دوسری جگہ منتقل ہوتا رہوں گا، لیکن اس میں طواف کی طرح گولائی نہیں اس لیے رزق کی طلب میں زیادہ محنت اور پوری دنیا چھان مارنے کی ضرورت نہیں، ہاں دین کے لیے محنت پوری زمین پر محیط ہونا چاہیے، یا د رہے کہ سعی دینی فعل بھی ہے جو باعثِ اجر و ثواب ہے اور واجب ہے ۔
واللہ سبحانہ و تعالی اعلم