مطلق کافر کے ساتھ عقد نکاح کی ممانعت:

اللہ تعالی فرماتے ہیں:
﴿فإن علمتموهن مؤمنات فلا ترجعوهن إلى الكفار، لا هن حل لهم ولا هم يحلون لهن﴾. (سورة الممتحنة).

اس آیتِ کریمہ میں کفار مردوں کے لیے مسلمان عورتوں کے حلال نہ ہونے کا صاف ذکر ہے، کافر عام ہے چاہے مشرک ہو یا یہودی، نصرانی ہو یا ہندو سب کو شامل ہے ۔
تفسیر قرطبی میں ہے:

أي لم يحل الله مؤمنة لكافر. (تفسير قرطبي: ۱۳/٤۳).

احکام القرآن میں ہے:

وروي الشيباني عن السفاح بن مطر عن داؤد بن كردوس قال: كان رجل من بني تغلب نصراني عنده امرأة من بني تميم نصرانية فأسلمت المرأة وأبي الزوج أن يسلم ففرق عمر رضي الله عنه بينهما. (أحكام القرآن للجصاص: ۳/٤۳۸).

فتاوی محمودیہ میں ہے:
مسلمان لڑکی کی شادی غیر مذہب والے سے قطعاً حرام ہے، یہ نکاح نہیں بلکہ حرام کاری اور زنا ہے، جو باپ اپنی لڑکی کی شادی اس طرح کر دے وہ بے غیرت اور دیوث ہے، اس نے قرآنِ کریم کے حکم کو توڑا ہے، صاف صاف قرآن میں ہے:
﴿لا هن حل لهم ولا هم يحلون لهن﴾. (
فتاوی محمودیہ: ۱۱/٤٤۸، مبوب و مرتب) ۔
واللہ سبحانہ و تعالی اعلم