حرم شریف سے عمرہ کا احرام باندھنے کا حکم:

بصورتِ مسئولہ شخص مذکور پر لازم تھا کہ حرم سے باہر تنعیم یا کسی اور جگہ جا کر احرام باندھتا لیکن ایسا نہیں کیا اور عمرہ پورا کر لیا بنا بریں اس پر ایک دم واجب ہوا جو حرم کے ساتھ خاص ہے ۔

قال ابن الهمام في فتح القدير: وإذ أحرم المكي للعمرة من الحرم فعليه دم إن لم يعد إلى ميقاته على ما عرف. (فتح القدير: ۳/۱۱٤، دار الفكر).
(وكذا في البحر الرائق: ۳/۵۰، وفتاوى الشامي: ۲/٤۷۹، سعيد، وبدائع الصنائع: ۲/۱٦۷، سعيد).

عمدۃ الفقہ میں ہے:
پس مکہ مکرمہ یا حدودِ حرم کا رہنے والا شخص زمین حرم سے عمرہ کا احرام باندھے گا تو اس پر دم (قربانی) واجب ہوگا کیوں کہ اس نے اپنے میقات کو ترک کر دیا ہے حالانکہ وہ میقات بالاجماع ثابت ہیں ۔ (عمدۃ الفقہ: ٤/ ۹٦، اہل حرم کا میقات) ۔
واللہ سبحانہ و تعالی اعلم