غلط فہمی میں صحبت کرنے سے وجوبِ عدت کا حکم:

بصورتِ مسئولہ وطی بالشبہ اور نکاح فاسد بعد الدخول دونوں صورتوں میں عدت لازم اور ضروری ہے، اور عدت مکمل تین حیض ہے، اور اگر کم عمری یا زیادہ عمر کی وجہ سے حیض نہ آتا ہو تو عدت تین ماہ قمری ہے اور حاملہ ہونے کی صورت میں عدت وضع حمل ہے ۔ اور یہ بچہ حرامی نہیں اس کا نسب ٹھیک ہے جس نے غلط فہمی سے صحبت کی ہے اس کا بچہ ہے ۔
ملاحظہ ہو فتاوی ہندیہ میں ہے:

إذا دخل الرجل بالمرأة على وجه شبهة أو نكاح فاسد فعليه المهر وعليها العدة ثلاث حيض إن كانت حرة

فإن كانت لا تحيض من صغر أو كبر فعدة الحرة ثلاثة أشهر. (الفتاوى الهندية: ۱/۵۲۷، وكذا في بدائع الصنائع: ۳/۱۹۲، سعيد. والدر المختار: ۳/۵۰۱، سعيد).

واللہ سبحانہ و تعالی اعلم