مطلق صدقہ کی نذر کا حکم:

بصورتِ مسئولہ شخصِ مذکور پر دس صدقۂ فطر کی مقدار قیمت یا اس کے برابر کوئی اور چیز صدقہ کرنا ضروری ہے، یعنی اگر گندم سے ادا کرے تو پانچ صاع یا اس کے برابر نقد یا کوئی دوسری چیز صدقہ کرنا واجب ہے ۔ خواہ ایک مسکین کو دے دے یا زیادہ کو بہر صورت نذر ادا ہو جائے گی ۔
نوٹ: ۵صاع کی مقدار جدید پیمانہ کے اعتبار سے تقریباً ۱٦کیلو گرام ہوتی ہے ۔

قال في الدر المختار: ولو نوى صياماً بلا عدد لزمه ثلاثة أيام ولو صدقة فإطعام عشرة مساكين كالفطرة، قال ابن عابدين: قوله ولو صدقة، أي بلا عدد (قوله كالفطرة) أي لكل مسكين نصف صاع بر. (الدر المختار مع فتاوى الشامي: ۳/۷٤۲، ط: سعيد).
قال العلامة الرافعي رحمه الله: قول الشارح فإطعام عشرة مساكين: لأن أقل ما أوجبه الله تعالى في كتابه من الصدقة عشرة مساكين، سندي. (التحرير المختار: ۳/۱٦، سعيد).

احسن الفتاوی میں ہے:
الفاظِ نذر میں صدقہ کی کوئی مقدار متعین نہیں کی گئی اس صورت میں اطعام عشرۃ مساکین واجب ہے، یعنی مقدار صدقۃ الفطر سے دس گناہ زیادہ گیہوں یا اس کی قیمت کے برابر نقدی یا کوئی دوسری چیز صدقہ کرنا واجب ہے، خواہ ایک مسکین کو دے یا متعدد کو بہر صورت نذر ادا ہو جائے گی ۔ (احسن الفتاوی: ۵/۴۸۴) ۔
واللہ سبحانہ و تعالی اعلم