عمارتِ وقف کو منہدم کر کے از سرِ نو تعمیر کا حکم:

بصورتِ مسئولہ جب زمین متولی کے حوالے کر دی اور متولی از راہِ مصلحت اس میں تبدیلی کرے یا دوسری عمارت بنا دے تو یہ صحیح اور درست ہے، اور عمارت گرانے کے بعد اس کی اینٹیں اور سامان پھر دوسری عمارت میں لگ جائے گا، اور صدقہ جاریہ برقرار رہے گا ۔
نیز عمارت گرانے سے اس کا صدقہ جاریہ ختم نہیں ہوتا جیسے وضو کا پانی پونچھنے سے وضو کا ثواب ختم نہیں ہوتا، نیز آنحضور ﷺ کی بنائی ہوئی مسجد جب حضرت عثمان رضي الله عنه کے زمانہ میں از سرِ نو بنائی گئی تو کسی نے یہ اشکال نہیں کیا کہ تعمیر کرنے والوں کا ثواب ختم ہو جائے گا، بلکہ وہ ثواب لکھا گیا، اگر کسی کو اللہ کے راستہ میں غبار لگ جائے تو اس کو نار جہنم نہیں چھوئے گی ۔

"من اغبرت قدماه في سبيل اللّه لم تمسه النار"
۔
(رواه الترمذي: ۱/۲۹۲).
لیکن اس کا یہ مطلب نہیں کہ پاؤں نہ دھوئے وہ ثواب صحیفہ اعمال میں نقش ہو جاتا ہے، اگر چہ وہ چیز نہ رہے ۔