مبیع کا وزن مع ظرف محسوب کرنے کا حکم:

بصورتِ مسئولہ چونکہ لکھا ہوا وزن مشروط نہیں ہوتا اور اکثر عاقدین کی رضامندی سے بیع تعاطی ہوتی ہے اس وجہ سے جائز اور درست ہے ۔
ملاحظہ ہو ہدایہ میں ہے:

ينعقد بالتعاطي في النفيس والخسيس وهو الصحيح لتحقق المراضاة. (الهداية: ۳/۱۹).

احسن الفتاوی میں ہے:
بائع و مشتری دونوں کا مقصد وہ خاص ڈبا اور لفافہ ہوتا ہے اس پر لکھا ہوا وزن بیع میں مشروط نہیں ہوتا اس لیے بدون وزن کیے اس میں تصرف جائز ہے ۔ (احسن الفتاوی: ٦/٤۹۹) ۔
فتاوی محمودیہ میں ہے:
سوال: دوکاندار چینی لفافہ میں تول کر دیتا ہے جب کہ لفافہ کی قیمت بھی ہے اور اس کا کچھ وزن بھی ہے، اسی وزن کی چینی گاہک کو کم ملتی ہے کیا یہ لینا دینا درست ہے؟
الجواب: لینے والا اور دینے والا راضی ہوں تو درست ہے ۔ (فتاوی محمودیہ: ۲٤/٤۰، مکتبہ محمودیہ) ۔
محمود الفتاوی میں ہے:
عرف کی وجہ سے یہی سمجھا جائے گا کہ اس مبیع موزون کا وزن مع ظرف اتنا ہوگا، اس لیے درست ہے ۔ (محمود الفتاوی: ۲/٤۰۵) ۔
واللہ سبحانہ و تعالی اعلم