کسی کمپنی کے ساتھ انشورنس کرنے کا حکم:

انشورنس میں چونکہ دو قسم کی خرابیاں پائی جاتی ہیں (۱) ربا (۲) قمار اور دونوں حرام ہیں، اس لیے انشورنس بھی ناجائز ہے، لہذا مذکورہ صورت میں کمپنی سے سامان منتقل کرنے والے آدمی کے لیے انشورنس کرانا نا جائز ہے، چاہے سامان منتقل کرنے والی کمپنی خود انشورنس کرتی ہو یا کسی دوسری کمپنی سے انشورنس حاصل کرتی ہو، اس لیے کہ اس صورت میں گویا وہ سامان منتقل کرانے والے کی طرف سے ایجنٹ ہے اور اصل عقد سامان منتقل کرانے والے اور انشورنس کمپنی کے درمیان ہوا بنا بریں ایسے معاملہ سے اجتناب کرنا ضروری ہے ۔
ملاحظہ ہو احکام القرآن میں ہے:

لا خلاف بين أهل العلم في تحريم القمار وأن المخاطرة من القمار قال بن عباس رضي الله عنه: إن المخاطرة قمار وإن أهل الجاهلية كانوا يخاطرون على المال والزوجة وقد كان ذلك مباحاً إلى أن ورد تحريمه. (أحكام القرآن للجصاص: ۱/۳۲۹).

فتاوی الشامی میں ہے:

وسمي القمار قماراً لأن كل واحد من القمارين ممن يجوز أن يذهب ماله إلى صاحبه ويجوز أن يستفيد مال صاحبه وهو حرام بالنص. (فتاوى الشامي: ٦/٤۰۳، سعيد).

نیز مذکور ہے:

الربا هو فضل خال عن عوض بمعيار شرعي شرط لأحد المتعاقدين في المعاوضة. (فتاوى الشامي: ۵/۱٦۸، سعيد).

فتاوی محمودیہ میں ہے:
بیمہ میں سود بھی ہے اور جوا بھی یہ دونوں چیزیں ممنوع ہیں بیمہ بھی ممنوع ہے ۔ (فتاوی محمودیہ: ۱٦/۳۸۷، جامعہ فاروقیہ) ۔
ہاں میڈیکل ایڈ کی اجازت ہے کیوں کہ اس میں رینڈ جمع کراتے ہیں اور اس کے عوض رقم نہیں ملتی بلکہ علاج ملتا ہے اور مذکورہ بالا صورت میں رقم کے عوض رقم ملتی ہے ۔
واللہ سبحانہ و تعالی اعلم