پنشن فنڈ کا حکم:

پنشن حکومت کی طرف سے محض عطیہ اور قسم کا تعاون ہے لہذا اس کا لینا جائز اور درست ہے ۔
ملاحظہ ہو حضرت مفتی کفایت اللہ صاحب رحمه الله فرماتے ہیں:
پنشن جو ملازم کو ملازمت سے سبکدوشی پر ملتی ہے جائز ہے ۔ (کفایت المفتی: ۸/۹۷) ۔
فتاوی محمودیہ میں ہے:
بعض محکموں میں ملازمت ختم ہونے پر حسن کارکردگی کے صلہ میں پنشن ملتی ہے، اس کو بھی سود نہیں کہا جاتا ۔ (فتاوی محمودیہ: ۱٦/۳۹٤، جامعہ فاروقیہ) ۔
آپ کے مسائل میں ہے:
پنشن کی حیثیت ایک لحاظ سے عطیہ کی ہے اس لیے جو معاملہ پنشنر اور حکومت کے درمیان طے ہو جائے وہ صحیح ہے یہ جوا اور قمار نہیں ۔ (آپ کے مسائل اور ان کا حل: ۸/۲۹٤) ۔
واللہ سبحانہ و تعالی اعلم