بطورِ فیشن ازار لٹکانے کا حکم:

اس بارے میں روایات میں مطلقاً ممانعت وارد ہوئی ہے لہذا دونوں میں کراہت ہے البتہ کراہت میں تخفیف ہو گی، یعنی اگر بہ نیت تکبر ہے تو مکروہِ تحریمی ہے اور بطورِ فیشن لٹکانے میں کراہت ذرا کم ہو گی ۔ ملاحظہ ہو ابن ماجہ شریف کے حاشیہ میں مرقوم ہے:

قال الشيخ عبد الغني المجددي رحمه الله: وهذا التطويل والتوسيع الذي تعارف في بعض ديار العرب من الحجاز ومصر مخالف للسنة وإسراف موجب لا إضاعة المال فما كان منهما بطريق الخيلاء فهو حرام وما كان بطريق العرف والعادة وصار شعار القوم لا يحرم وإن كان الإسراف فيه لا يخلو عن كراهة. (حاشية سنن ابن ماجه، ص: ۲۵۵، ط: قديمي).

امداد الفتاوی میں ہے:
حنفیہ کے نزدیک ایسی صورت میں مطلق اپنے اطلاق پر اور مقید اپنی تقیید پر رہتا ہے اور دونوں پر عمل واجب ہوتا ہے کما ہو مصرح فی الاصول ۔ (امداد الفتاوی:
٤
/
۱۲۳
) ۔
فتاوی محمودیہ میں ہے:
یہ لباس متکبرین اور فساق کاہے، اگر اس نیت سے ہو کہ ان کے ساتھ تشبہ اختیار کیا جاوے یا تکبر کی نیت سے ہو تو حرام، ورنہ مکروہ ہے:
ولا يجوز الإسبال تحت الكعبين إن كان للخيلاء؛ إذ قد نص عليه الشافعي رحمه الله، وبغير الخيلاء، منع للتنزيه لا للتحريم، مرقاة. [۸/۱۲۹]
آج کل عام طور پر یہ لباس انہیں لوگوں کاہے جن پر مغربیت کا بھوت سوار ہے جو اپنی قدیم وضع اور طرزِ معاشرت کوبرا سمجھتے ہیں اور مغربی تہذیب پر فخر کرتے ہیں، ایسے لوگوں کی مشابہت بھی مذموم ہے ۔ (فتاوی محمودیہ: ۱۹/۲۷۲، جامعہ فاروقیہ) ۔
مزید ملاحظہ ہو : (تقریر ترمذی: ۲/۳۳۹ ۔ ۳٤۱، و تکملۃ فتح الملہم: ٤/۱۲۱، ۱۲۳) ۔
احادیث وغیرہ تفصیلات ما قبل میں ملاحظہ کر لی جائیں، تکرار موجبِ طوالت ہے ۔
واللہ سبحانہ و تعالی اعلم