شمسی ہجری کیلنڈر مرتب کرنے کا حکم:

بصورتِ مسئولہ ہجری کیلنڈر کو عیسوی کیلنڈر میں تبدیل کرنا ایک مشکل کام ہے، علاوہ ازیں اس کا مقبول ہونا اور نہ ہونا بھی ایک مشکوک امر ہے۔ لہذا اوقاتِ صلوات وغیرہ کے لیے عیسوی کیلنڈر کا استعمال جائز ہے، اس کے استعمال میں چنداں حرج نہیں ہے۔
جنوری، فروری وغیرہ نام اگر چہ اصل میں دیوی دیوتاؤں کے نام ہیں، لیکن یہ حقیقتِ متروکہ مہجورہ کی طرح بن چکے ہیں، کسی کا ذہن بھی ان ناموں سے دیوتاؤں کی طرف منتقل نہیں ہوتا، بلکہ بڑا طبقہ اس کی حقیقت سے بھی ناواقف ہے۔ ویکی پیڈیا سے مہینوں کے اسماء کے معانی ملاحظہ کیجیے:
جنوری: لاطینی لفظ [mensis lanuarius] سے ہے janusکا مہینہ، رومیوں کا دیوتا ہے جو کواڑ و دروازوں کا اور ابتدا و انتہا کا دیوتا ہے۔
فروری: لاطینی لفظ [mensis Februarius] سے ہے، Februaکا مہینہ، رومیوں کا تطہیر کا تہوار ہے، یہ اور Februusکا مادہ ایک ہے، Februusبعض رومی باشندوں (Etruscan) کے یہاں موت کی دیوی کا نام ہے۔
مارچ: کا مہینہ، لاطینی لفظ[mensis Martius] سے ہے، Marsکا مہینہ، رومیوں کی جنگوں کا دیوتا ہے۔
اپریل: لاطینی لفظ [mensis Aprilis] سے ہے، اس کا معنی حتمی طور پر معلوم نہیں ، یہ عام طور پر aperire (کھولنا) کے مشتقات سے لیا جاتا ہے یا Aphroditeسے جو کہ دیوی ہے۔
مئی: کا مہینہ، لاطینی لفظ[mensis Maius] سے ہے، Maiaکا مہینہ، رومی دیوی جو نباتات کی دیوی ہے، اس کا مادہ اور لاطینی لفظ magnus (بڑا) اور انگریزی لفظmajor (عظیم) کا مادہ ایک ہے۔
جون: لاطینی لفظ [mensis Iunius] سے ہے، junoکا مہینہ، رومی دیوی ہے جو شادی، ولادت اور حکومت کی دیوی ہے۔
جولائی: لاطینی لفظ [mensis Iulius] سے ہے، julius Caesar (ایک بادشاہ کا نام) کا مہینہ اس کی پیدائش کا مہینہ، جس کی ترویج ٤٤ ق م میں ہوئی اس کی جنتری کی اصطلاحات کے تحت۔
اگست: لاطینی لفظ [mensis Augustus] سے ہے، Augustusکا مہینہ، Augustusنے اس کو ۸ ق م میں رائج کیا کیونکہ اس مہینے میں اس کے اقتدار حاصل کرنے کے دوران چند اہم واقعات پیش آئے تھے۔
ستمبر: لاطینی لفظ [mensis September] سے ہے، روم کی جنتری کا ساتواں مہینہ، جو ۱۵۳ ق م سے پہلے رائج تھا۔
اکتوبر: لاطینی لفظ [mensis October] سے ہے، روم کی جنتری کا آٹھواں مہینہ ہے جو ۱۵۳ ق م سے پہلے رائج تھا۔
نومبر: لاطینی لفظ [mensis November] سے ہے، روم کی جنتری کا نواں مہینہ ہے جو ۱۵۳ ق م سے پہلے رائج تھا۔
دسمبر: لاطینی لفظ [mensis December] سے ہے، روم کی جنتری کا دسواں مہنہ ہے جو ۱۵۳ ق م سے پہلے رائج تھا۔
حقیقتِ متروکہ مہجورہ کی چند مثالیں ملاحظہ کیجیے:
۱۔ صلاۃ کے معنی تحریک صلوین، ۲۔ بغداد میں بت کے تحفہ و عطیہ کے معنی، ۳۔
فداك أبي وأمي
کے حقیقی معنی اور ٤۔
تربت يداك
کے حقیقی معنی؛ یہ سب متروک ہو چکے ہیں اور ان الفاظ کا استعمال جائز اور درست ہے، بلکہ احادیث میں بھی وارد ہے؛ نبی ﷺ نے بعض صحابہ کرام کے لیے
فداك أبي وأمي
فرمایا، اگر کوئی شخص یہ کہے کہ نعوذ باللہ جھوٹ اور گستاخی ہے کیوں کہ حضور ﷺ کے والدین حیات ہی نہیں تھے، نیز والدین کا کسی پر فدا کرنا تو گستاخی ہے تو اس کے جواب میں یہی کہا جائے گا کہ حقیقت متروک ہو چکی ہے اور یہ شدتِ رضا اور اظہارِ مسرت و خوشی کے معنی میں ہے۔
۱
ـ قال في تاج العروس: الصلاة واوية، مأخوذة من: صلي إذا دعا، قيل: إنها من الصلوين. (۳۸/٤٤۲). قال أبو البقاء الكفومي: إن الصلاة في الأصل انعطاف جسماني لأنها من تحريك الصلوين ثم استعمل في الرحمة والدعاء. (معجم في المصطلحات والفروق اللغوية، ص ۸۷٤، مؤسسة الرسالة).

۲
ـ قال ابن كثير رحمه الله في البداية والنهاية: بغ اسم صنم وقيل: شيطان وداد عطية أي عطية الصنم. (۱۰/۱۰۸، ط: دار إحياء التراث). (وكذا في تاريخ بغداد: ۱/٦۰، وتاج العروس: ۷/٤٤۲، دار الهداية).

ملاحظہ ہو بخاری شریف میں روایت ہے:
۳
ـ عن عبد الله بن شداد قال: سمعت علياً رضي الله عنه يقول: ما رأيت النبي ﷺ يفدي رجلاً بعد سعد سمعته يقول: ارم فداك أبي وأمي. (صحيح البخاري، رقم: ۲۹۰۵، باب المجن ومن يترس بترس صاحبه).
عن عبد الله بن الزبير رضي الله عنه قال: كنت يوم الأحزاب جعلت أنا وعمر بن أبي سلمة في النساء فنظرت فإذا أنا بالزبير على فرسه يختلف إلى بني قريظة مرتين أو ثلاثاً فلما رجعت قلت: يا أبت! رأيتك تختلف قال: أو هل رأيتني يا بني! قلت: نعم، قال: كان رسول الله ﷺ قال: من يأت بني قريظة فيأتيني بخبرهم فانطلقت فلما رجعت جمع لي رسول الله ﷺ أبويه فقال: فداك أبي وأمي. (صحيح البخاري، رقم: ۳۷۲۰، باب مناقب الزبير بن العوام).

اسی طرح رسول اللہ ﷺ نے بعض صحابہ کرام کے لیے "
تربت يداك"
فرمایا، اگر کوئی کہے یہ تو ہلاکت کی دعا ہے، تو اس کا جواب یہ ہے کہ حقیقت متروک ہو چکی ہے اور اس کا مطلب توبیخ اور ملامت ہے۔
٤
ـ عن أبي هريرة رضي الله عنه عن النبي ﷺ قال: تنكح المرأة لأربع: لمالها ولحسبها، ولجمالها، ولدينها، فاظفر بذات الدين تربت يداك. متفق عليه. (بلوغ المرام، ص: ۲۹۲ رقم: 964).

فقالت أم سلمة: يا رسول الله! وتحتلم المرأة فقال: تربت يداك فبم يشبهها ولدها. (صحيح مسلم، رقم: ۳۱۳).
عن عائشة رضي الله تعالى عنها قالت: أتاني عمي من الرضاعة

ولم يرضعني الرجل قال: تربت يداك، أو يمينك. (صحيح مسلم، رقم: ۱٤٤۵).

عربی زبان میں اس کی سینکڑوں مثالیں موجود ہیں۔ اس لیے ہمارے نزدیک ان مہینوں کے استعمال میں قباحت نہیں۔ کچھ بریلوی اور سلفی ہم پر اشکال کرتے ہیں کہ آپ رسول اللہ ﷺ کو آنحضور کہتے ہیں جس کے معنی حاضر کے ہیں اور تم آپ ﷺ کو حاضر ناظر نہیں مانتے، اس کا جواب بھی وہی ہے کہ یہاں آنحضور محترم اور آنجناب اور حاضر فی القلب کے معنی میں ہے اور اصلی معنی متروک ہے۔ خلاصہ یہ ہے کہ مہینوں کے ناموں کے استعمال میں کوئی حرج نہیں۔ کیوں کہ ان کے حقیقی معانی متروک ہو چکے ہیں۔

قال في الأشباه: تترك الحقيقة بدلالة الاستعمال والعادة. كذا ذكره فخر الإسلام. (الأشباه والنظائر: ۱/۹۳، ط: بيروت).
قال الشيخ أحمد الزرقا: لأن الاستعمال والتعارف يجعل إطلاق اللفظ على ما تعورف استعماله فيه حقيقة بالنسبة إلى المستعملين ويجعل إطلاقه على معناه الوضعي الأصلي في نظرهم مجازاً، ومن المعلوم أن الأمر إذا دار بين الحقيقة والمجاز تترجح الحقيقة وهي هنا العرف والعادة ويترك المجاز وهو المعني الوضعي الأصلي فقد قال صاحب جامع الفصولين: مطلق الكلام محمول على المعتاد. (شرح القواعد الفقهية، ص ۱۳۲، ط: دار القلم).

شیخ احمد زرقا رحمه الله کی عبارت کا خلاصہ یہ ہے کہ لوگوں کے استعمال کی وجہ سے عرفی معنی حقیقت کے درجہ میں ہے اور اصلی اور حقیقی معنی مجاز کے درجہ میں ہے۔ اور بوقتِ تعارض عرفی حقیقی معنی ہی مقدم ہوں گے۔ حاصل یہ ہوا کہ جنوری، فروری وغیرہ اسماء کا استعمال جائز ہے، کیوں کہ عوام و خواص میں ان کے حقیقی معنی عنقاء کی طرح ہو چکے ہیں۔ نیز شریعتِ مطہرہ میں مسائل کا مدار تحقیقاتِ غامضہ پر نہیں بلکہ عرفِ عام میں مستعمل الفاظ و معانی پر ہوتا ہے۔ حضرت مفتی محمد تقی صاحب دامت برکاتہم فرماتے ہیں: اس قسم کے مسائل میں شریعت کا مزاج یہ ہے کہ وہ لوگوں کے عام عرف کا اعتبار کرتا ہے، فنی باریکیوں کو نہیں دیکھتا۔ (فقہی مقالات:
۳
/
۲۱۹
)۔
واللہ سبحانہ و تعالی اعلم