کلب کارڈ حاصل کرنے اور اس سے فائدہ اُٹھانے کا حکم:

کلب کارڈ حاصل کرنا اور اس سے فائدہ اُٹھانا جائز اور درست ہے، اور یہ تبرعِ مشروط کے حکم میں ہے، یعنی دکان دار نے ہدیہ میں خریداری کی شرط لگائی اور یہ جائز ہے جب کہ سامان عام قیمت میں فروخت ہوتا ہو اور ہدیہ کی وجہ سے زیادہ قیمت نہ لی جاتی ہو۔ تبرعِ مشروط کے چند دلائل ما قبل میں مذکور ہوئے ۔ کچھ مزید ملاحظہ ہو: امداد الاحکام میں ہے:
پس ارشاد ہوا کہ معاہدہ مذکور کے خریدار کو سال بھر برابر چالومار کو مال خریدتے رہنے کی حالت میں دو تین روپیہ سیکڑہ مثلاً سال کے تمام پر رعایت دی جائے اور دورانِ سال دوسری جگہ ایک مرتبہ بھی خریدنے میں بالکل کچھ نہ دیا جائے شرعاً جائز ہے یا نہیں؟
الجواب: یہ معاہدہ جائز ہے کیوں کہ خریدار کو سال تمام پر کمیشن پر سیکڑہ پر دیا جاتا ہے وہ بائع کی طرف سے تبرع ہے خریدار کا حق لازم نہیں، اور تبرع کو کسی شرط سے مشروط کرنا جائز ہے۔ (امداد الاحکام: ۳/ ٦۰٦) ۔
واللہ سبحانہ و تعالی اعلم