مدرس کا درس کے علاوہ خارجی اوقات میں اپنے طلبہ کو اجرت پر ٹیوشن دینے کا حکم:

بصورتِ مسئولہ اگر اساتذہ پرائیویٹ ٹیوشن کی وجہ سے مدرسہ کے اوقات میں بچوں پر زیادہ توجہ نہیں دیتے تو یہ اپنے منصب میں خیانت ہے اور
تخونوا أماناتكم[الأنفال: ۲۷]
میں شامل ہو گا، اور اگر اساتذہ اوقاتِ درس میں پوری توجہ اور امانت داری سے پڑھاتے ہوں لیکن بعض طلبہ مزید نمبرات حاصل کرنے کی غرض سے ٹیوشن لیتے ہوں تو اس کی گنجائش ہے، اور یہ قانون بنانا کہ اوقاتِ درس کے علاوہ نہیں پڑھا سکتے، صحیح نہیں، الا یہ کہ خارج میں پڑھانے کی وجہ سے مدرس اوقاتِ درس میں تقصیر کرتا ہو یا اتنا تھک جاتا ہو کہ تعلیم دینا اس کے لیے مشکل ہو ۔
کیونکہ اساتذہ اجیر خاص کے حکم میں ہیں اور اجیر خاص اپنے استراحت کے اوقات میں دیگر غیر ضروری مصروفیات میں تھک کر اپنے فرائض منصبی میں کوتاہی کرے تو یہ خیانت میں شامل ہو گا ۔ شرعاً اس کی اجازت نہیں ۔ ملاحظہ ہو شرح مجلہ میں مرقوم ہے:

لو استأجر أستاذ لتعليم علم أو صنعة وسميت الأجرة فإن ذكرت انعقدت الإجارة صحيحة علي المدة حتى أن الأستاذ يستحق الأجرة بكونه حاضراً ومهيئاً للتعليم تعلم التلميذ أو لم يتعلم

لأنه لما انعقدت الإجارة صحيحة بتعيين الأجر والمدة استحق الأستاذ الأجرة لمجرد تسليمه نفسه للتعليم

لكونه أجيراً خاصاً

أن الأجير الخاص يستحق الأجرة إذا كان في مدة الإجارة حاضراً للعمل ولا يشترط عمله بالفعل. (شرح المجلة لسليم رستم باز: ۱/۳۰۵، المادة: ۵٦۸).
لو استأجر أستاذ لتعليم علم أو صنعة وسميت الأجرة فإن ذكرت انعقدت الإجارة صحيحة علي المدة حتى أن الأستاذ يستحق الأجرة بكونه حاضراً ومهيئاً للتعليم تعلم التلميذ أو لم يتعلم

لأنه لما انعقدت الإجارة صحيحة بتعيين الأجر والمدة استحق الأستاذ الأجرة لمجرد تسليمه نفسه للتعليم

لكونه أجيراً خاصاً

أن الأجير الخاص يستحق الأجرة إذا كان في مدة الإجارة حاضراً للعمل ولا يشترط عمله بالفعل. (شرح المجلة لسليم رستم باز: ۱/۳۰۵، المادة: ۵٦۸).
قال في الدر المختار: والثاني وهو الأجير الخاص ويسمي أجير وحد وهو من يعمل لواحد عملاً موقتاً بالتخصيص ويستحق الأجر بتسليم نفسه في المدة وإن لم يعمل كمن استوجر شهراً للخدمة. (الدر المختار: ٦/٦۹، سعيد، ومثله في الهداية: ۳/۳۱۰).

فتاوی محمودیہ میں ہے:
جب مدرس کے لیے اوقات متعین کر دیے گئے ہیں تو ان اوقات میں وہ اجیر خاص ہیں، ان اوقات میں اس کو دوسرا کام اجارہ پر کرنا جائز نہیں ۔ (فتاوی محمودیہ:) ۔
آپ کے مسائل اور ان کا حل میں مذکور ہے:
آج کل ملک میں جو عام وبا پھیلی ہوئی ہے کہ اکثر اساتذہ اسکول و کالجوں کے ٹیوشن پڑھاتے ہیں گورنمنٹ سے بھی تنخواہ لیتے ہیں اور بچوں سے فیس بھی جن کو ٹیوشن پڑھاتے ہیں ٹیوشن لینا جائز ہے مگر تعلیم گاہ میں بچوں پر توجہ نہ کرنا گناہ ہے ۔ (آپ کے مسائل اور ان کا حل: ۷/۲۳۵) ۔
واللہ سبحانہ و تعالی اعلم