مسافر سہواً تیسری رکعت کے لیے کھڑا ہو گیا پھر یا د آیا تو کیا کرے؟

صورتِ مسئولہ میں مسافر نے اگر قعدۂ اولیٰ کیا تھا پھر تیسری رکعت کے سجدہ سے قبل یا د آیا تو قعدہ کی طرف لوٹ آئے اور نماز پوری کر لے، اور اگر سجدہ کے بعد یا د آیا تو چار رکعت پوری کرے اخیری دو رکعت ظہر کی سنت ہو گی، اور بہر صورت سجدۂ سہو واجب ہو گا تاخیر سلام کی وجہ سے ۔ اور اگر قعدۂ اولیٰ نہیں کیا تھا اور تیسری رکعت کا سجدہ بھی کر لیا تو نماز فاسد ہو گئی از سرِ نو قصر کرنا ضروری ہے ۔ ملاحظہ ہو فتاوی تاتارخانیہ میں ہے:

مسافر صلي الظهر ركعتين وقام إلى الثالثة ناسياً بعد ما قعد قدر التشهد ثم تذكر ذلك في قيام الثالثة أو في ركوعها فإنه يعود ويقعد، وإن تذكر بعد ما قيد الثالثة بالسجدة يتم صلاته أربعاً وكانت الثالثة والرابعة له سنة الظهر، وإن لم يكن قعد على رأس الركعتين إن تذكر في قيام الثالثة عاد، وإن لم يعد حتى قيدها بالسجدة فسدت صلاته. (الفتاوى التتارخانية: ۲/۳، إدارة القرآن. وكذا في فتاوى قاضيخان على هامش الهندية: ۱/۱٦۸).

واللہ سبحانہ و تعالی اعلم