جنسی خواہش کی تکمیل کے لیے مصنوعی آلات کے استعمال کا حکم:

جہاں شریعتِ مطہرہ نے جنسی خواہشات کی تکمیل کی اجازت دی ہے وہیں اس کا فطری طریقہ بھی انسانیت کی رہنمائی کے لئے بتلا دیا ہے، تاکہ فطری خواہش کی تکمیل کے ساتھ توالد و تناسل کا سلسلہ بھی چلتا رہے، اس فطری طریقہ کے خلاف جو بھی طریقہ خواہشات کی تکمیل کے لئے اختیار کیا جائے گا، وہ نہ صرف یہ کہ شرعی نقطہ نظر سے ممنوع ہوگا، بلکہ خلافِ فطرت ہونے کے ساتھ ساتھ اخلاقی پستی کا بھی باعث بنے گا، چنانچہ شریعتِ مطہرہ میں اس بات کی صراحت موجود ہے کہ جب تک کسی کو تکمیل خواہش کے لئے یہ فطری طریقہ میسر نہ اس کے تو وہ بالکلیہ اپنی عفت اور پاکدامنی کو برقرار رکھنے کے لئے غیر فطری طریقوں سے بچیں ۔
چنانچہ احادیث میں آتا ہے کہ بعض صحابہ کرام نے عالم شباب میں نکاح پر قدرت نہ ہونے کی صورت میں سوال کیا کہ ہم کیا کریں؟ تو آنحضرت ﷺ نے انہیں کثرت سے روزے رکھنے کا حکم فرمایا ۔ معلوم ہوا کہ جب تک فطری طریقہ سے قضائے شہوت ممکن نہ ہو تو غیر فطری طریقہ کی اجازت نہیں ہے، بلکہ عفت و پاک دامنی کو برقرار رکھنا ضروری ہے ۔
لہذا صورت مسئولہ میں خاتون کو شرعاً اس بات کی اجازت نہ ہو گی کہ کسی بھی غیر فطری طریقہ کو اختیار کرتے ہوے کسی بھی قسم کے مصنوعی آلات کو استعمال کریں، اس کے بجائے وہ کسی بھی طریقہ سے اپنے خاوند کو حقوق کی ادائیگی پر رضامند کرنے کی کوشش کریں ۔
واللہ سبحانہ و تعالی اعلم