بائع کو کسی چیز کے خریدنے پر مجبور کرنے کا حکم:

شریعتِ مطہرہ نے تجارت میں عاقدین کی رضامندی کو بڑی اہمیت دی ہے، لہذا بلا رضا مندی کے تجارت و معاملات کو صحیح اور درست قرار نہیں دیا، بایں وجہ کسی کو خریدنے پر مجبور نہیں کر سکتے ہیں ۔
اللہ تعالی کا فرمان ہے:

﴿يا أيها الذين آمنوا لا تأكلوآ أموالكم بينكم بالباطل إلا أن تكون تجارة عن تراض منكم﴾. (سورة النساء، الآية: ۲۹).

اے ایمان والو! آپس میں ایک دوسرے کے مال ناحق طور پر مت کھاؤ لیکن مباح طور پر مثلاً کوئی تجارت ہو جو باہمی رضامندی سے واقع ہو تو مضائقہ نہیں ۔ (معارف القرآن: ۲/۳۷۷) ۔
اگر تجارت یعنی مبادلہ اموال تو ہو لیکن اس میں فریقین کی رضامندی نہ ہو وہ بھی بیع فاسد اور ناجائز ہے ۔ (معارف القرآن: ۲/۳۸۰) ۔
لہذا آپ کسی کو اپنی بالٹیاں خریدنے پر مجبور نہیں کر سکتے ہیں ۔ اور یہ شرط لگانا کہ اگر آپ بالٹیاں نہیں خریدیں گے تو ہم آپ سے روشنائی بھی نہیں خریدیں گے یہ درست نہیں ہے ۔
حدیث میں ہے:

عن عمر وبن شعيب عن أبيه عن جده أن النبي ﷺ نهى عن بيع وشرط. (المعجم الاوسط للطبراني: ٤/۳۳۵، القاهرة).

شرح مجلہ میں ہے:

وأما أن لا يقتضيه العقد ولا يلائمه ولا جري العرف باشتراطه وفيه نفع لأحد العاقدين أو لغيرهما من أهل الاستحقاق، فالبيع في هذه الصورة فاسد، قال في النهر: وإنما فسد البيع بهذا الشرط لا نهما إذا قصدا المقابلة بين المبيع والثمن فقد خلا الشرط عن العوض وقد وجب البيع بالشرط فكان الشرط زيادة مستحقة بعقد المعاوضة خالية عن العوض فيكون ربا، وكل عقد بشرط الربا يكون فاسداً. (شرح المجلة لمحمد خالد الأتاسي، فصل في حق البيع بشرط: ۲/٦۰. وكذا في الهداية: ۳/۵۹).

ہاں اگر انہوں نے وعدہ کیا ہو اور پھر کسی وجہ سے پورا نہ کر سکیں تو ان پر کوئی گناہ نہیں ہوگا ۔ اور جہاں تک روشنائی خریدنے کا مسئلہ ہے تو آپ جس سے خریدنا چاہیں خرید سکتے ہیں آپ پر کوئی پابندی نہیں ۔
واللہ سبحانہ و تعالی اعلم