ماں کے ضرر کی وجہ سے اسقاط کا حکم:

اعضاء کی تخلیق کے بعد اور جان پڑنے سے قبل بھی صحیح قول کے مطابق اسقاط جائز نہیں ہے، البتہ ماں کی جان جانے کا خطرہ ہو تو اس صورت میں اسقاط کی اجازت ہو گی۔ جیسا کہ فقہاء نے صراحت کی ہے جب بچہ ماں کے پیٹ میں مر جائے اور اس کے نکالنے کا راستہ نہ ہو اور نہ نکالنے کی صورت میں ماں کی جان جانے کا خطرہ ہو تو اس صورت میں ماں کی جان بچانے کی غرض سے بچہ کو کاٹ کاٹ کر نکال لینا جائز ہے۔

وفي النوادر: امرأة حامل اعترض الولد في بطنها ولا يمكن إلا بقطعه أرباعاً ولو لم يفعل ذلك يخاف على أمه من الموت فإن كان الولد ميتاً في البطن فلا بأس به وإن كان حياً لا يجوز لأن إحياء نفس بقتل نفس أخري لم يرد في الشرع. (البحر الرائق: ۸/۲۳۳).
(وكذا في الفتاوى الهندية: ۵/۳٦۰، والمحيط البرهاني: ٦/، والفصل الثالث والعشرون، وتحفة الملوك، ص: ۲۳۹، بيروت،
و مجلہ فقہ اسلامی، مرتب قاضی مجاہد الاسلام صاحب قاسمی رحمہ اللہ: ۱/۳۷۰۔ ۳۷۳، اعضاء کی پیوند کاری)۔
واللہ سبحانہ و تعالی اعلم