کنیت والے اسماء کا حکم:

اس قسم کے نام نیک فالی اور برکت کے لیے رکھے جاتے ہیں کہ اللہ تعالی ان بچوں کو صحابہ کرام کی طرح بنا دیں، نیز ان کا مطلب یہ بھی ہو سکتا ہے کہ ذر کے معنی فصل بونا اور زراعت کرنا ہے تو ابو ذر کا مطلب فصل بونے والا یعنی لوگوں کو خیر پہنچانے والا اور ابو ہریرہ کا مطلب بلی پالنے والا یعنی کمزوروں کی مدد کرنے والا حتی کہ کمزور جانوروں کی خدمت کرنے والا، اسی طرح ابوبکر کا مطلب جوان اونٹ والا، یعنی جوان اونٹ کو پالتا ہے تاکہ اس کو دین کی خدمت میں استعمال کرے اور اس سے اپنا گزارہ بھی کرے پہلے زمانہ میں اونٹوں کو گھوڑوں کی طرح جہاد اور دینی کاموں میں استعمال کرتے تھے، یاد رہے کہ اب اور ابن لگانے کا ایک مطلب صاحب ہوتا ہے، جیسے ابو لہب لہب والا، ابن السبیل، صاحب السبیل راستہ والا۔
نیز اب کے معنی: مالک، صاحب، موجد، شوہر وغیرہ بھی آتے ہیں۔ ملاحظہ کیجیے: (
القاموس الوحيد: ۱/۱۰٦، ولسان العرب: ۱٤/۱۳، ط: دار الفكر، وفتح الباري: ۱/۵۹۹، وإرشاد الساري: ۹/۱۱٦، والمعجم الوسيط، ص ٤، وشرح الابي: ۱٤/۲۹٤).

واللہ سبحانہ و تعالی اعلم