تعویذات میں "یا بدوح" لکھنے کا حکم:

بعض علماء نے لکھا ہے کہ عبرانی زبان میں یہ اللہ تعالی کا نام ہے، لیکن یہ بات یقینی نہیں ، اور اگر عربی نام ہو تو اللہ تعالی کے اسماء توقیفی ہیں یعنی سماعی ہیں اس لیے اس نام کے لکھنے سے پرہیز کرنا چاہیے۔
ملاحظہ ہو فتاوی عثمانی میں ہے: یا بدوح، قرآن میں تو یہ نام نہیں ہے مگر بعض اہل علم نے لکھا ہے کہ عبرانی زبان میں اللہ کا نام ہے۔ (فتاوی عثمانی:
۱
/
۳۱۲
)۔
فتاوی دار العلوم دیوبند میں اس کے وظیفہ کو جائز قرار دیا ہے۔ ملاحظہ کیجیے:
بدوح یہ لفظ عام طور پر بضم باء و تشدید دال مشہور ہے مگر یہ صحیح نہیں ، صحیح لفظ بدوح ہے بفتح باء و تخفیف دال، تحقیق یہ ہے کہ یہ عربی زبان کا لفظ نہیں
(هكذا أفاده شيخنا العلامة مولانا محمد أنور شاه الكشميري قدس سره)
بلکہ عبرانی میں اللہ تعالی کا نام ہے اور اگر عربی قرار دیا جائے تو اس کے معنی عاجز کرنے والے کے ہیں۔ بہر حال خدا کا نام ہونا ثابت ہے تو "یا بدوح" کا وظیفہ بے تامل جائز ہے۔ (فتاوی دار العلوم دیوبند، جلدِ دوم، ص
۲۱۵
، دار الاشاعت)۔
واللہ سبحانہ و تعالی اعلم