ذی روح کی تصویر والا کیک بنانے کا حکم:

شریعتِ مطہرہ میں ذی روح کی تصویر بنانا اور اس کا پیشہ اختیار کرنا ممنوع اور ناجائز ہے، بنا بریں بطخ کی شکل میں کیک بنانا درست نہیں ہے اور ایسا آرڈر لینا بھی درست نہیں ہے۔ ہاں اگر سر نہ بنایا جائے تو پھر یہ تصویر کے حکم میں نہیں ہے۔ ملاحظہ ہو فتاوی شامی میں ہے:

فظاهر كلام النووي في شرح مسلم الإجماع على تحريم تصوير الحيوان وقال: وسواء صنعه لما يمتهن أو لغيره فصنعته حرام بكل حال لأن فيه مضاهاة لخلق الله تعالى وسواء كان في ثوب أو بساط أو درهم وإناء وحائط وغيرها. (فتاوى الشامي: ۱/٦٤۷، سعيد).

بدائع الصنائع میں مرقوم ہے:

فإن كانت مقطوعة الرؤوس فلا بأس بالصلاة فيه لأنها بالقطع خرجت من أن تكون تماثيل وألحقت بالنقوش والدليل عليه ما روي أن رسول الله ﷺ أهدي إليه ترس فيه تماثيل طير فأصبحوا وقد محي وجهه. (بدائع الصنائع: ۱/۱۱۵، ۱۱٦، سعيد).
(وكذا في البحر الرائق: ۲/۳۰، كوئته، وشرح معاني الآثار: ۲/٦٦۳).

فتاوی محمودیہ میں ہے:
جاندار تصویروں کا پتھر، مٹی، مٹھائی، کھلونے سب منع ہیں، مسلمانوں کا اس سے بچنا لازم ہے۔ (فتاوی محمودیہ:
۱۹
/
٤۷٤
، ط: جامعہ فاروقیہ)۔
فتاوی محمودیہ میں دوسری جگہ مرقوم ہے: اگر مور کا سر نہ بنایا جائے تو شرعاً اس کی اجازت ہے۔ (فتاوی محمودیہ:
۱۹
/
٤۷۲
)۔
جواہر الفقہ میں مذکور ہے:
وہ ناقص تصویر جس میں سر نہ ہو اس کا بنانا جائز ہے، خواہ ہاتھ پاؤں یا تنہا آنکھ ناک وغیرہ اعضاء کی تصویر ہو یا علاوہ سر کے اور باقی سب بدن کی تصویر ہو۔ (جواہر الفقہ:
۷
/
۲۵۳
)۔
واللہ سبحانہ و تعالی اعلم