سنت کے مطابق ڈاڑھی نہ رکھنے والے کی امامت تراویح:

سنت کے مطابق ڈاڑھی نہ رکھنے والے کی امامتِ تراویح مکروہ ہے، صورتِ مسئولہ میں حافظ صاحب دوسرے امور میں متبعِ شریعت ہے اور بڑے با اخلاق ہے تو داڑھی ایک قبضہ رکھنا بھی تو شریعت ہی کا حکم ہے اور آنحضور ﷺ کی دائمی سنت ہے لہذا حافظ صاحب سے کہا جائے کہ سنت کے مطابق رکھیں اور ایک قبضہ سے قبل نہ کتروائیں، اس سے حافظ کا اتباعِ شریعت میں اضافہ ہوگا اور حضور ﷺ کا قرب حاصل ہوگا اور مصلی حضرات کی محبت و ہمدردی میں اضافہ ہوگا ۔
اگر حافظ صاحب کو یہ بات منظور نہ ہو تو ان کو علیحدہ کر دیا جائے اس لیے کہ شریعت کا معاملہ مقدم ہے نیز دیگر نیکی طاعات کے قبیل سے ہے اور امامتِ تراویح عبادات کے قبیل سے ہے جو طاعات پر مقدم ہے اور تمام مصلی حضرات کی عظیم عبادت اس سے وابستہ ہے ۔ دلائل "باب الامامت" میں گذر گئے ۔
واللہ سبحانہ و تعالی اعلم