ریٹس ٹیکس میں سودی رقم ادا کرنے کا حکم:

سودی رقم کا اصل حکم یہ ہے کہ مالک کو واپس کر دی جائے، لیکن اگر مالک کا علم نہ ہو تو فقراء، مساکین پر بلا نیتِ ثواب صدقہ کر دی جائے، باقی حکومت کے ریٹس ٹیکس میں ادا کرنا جائز ادا کرنا جائز نہیں ہے، کیوں کہ جنوبی افریقہ کے بینک پرائیویٹ ہوتے ہیں حکومتی نہیں ہوتے ۔
ملاحظہ ہو معارف السنن میں مالِ خبیث کا حکم اس طرح مذکور ہے:

قال شيخنا: ويستفاد من كتب فقهائنا كالهداية وغيرها أن من ملك بملك خبيث ولم يمكنه الرد إلى المالك فسبيله التصدق على الفقراء، قال: ومثله يقول ابن القيم في بدائع الفوائد، قال: والظاهر أن المتصدق بمثله ينبغي أن ينوي به فراغ ذمته ولا يرجو به المثوبة، نعم يرجوها بالعمل بأمر الشارع، وكيف يرجو الثواب بمال حرام ويكفيه أن يخلص منه كفافاً رأساً برأس. (معارف السنن: ۱/۳۵).

نظام الفتاوی میں مرقوم ہے:
اصل ضابطہ یہ ہے کہ جو بھی حرام مال ہو اس کے بارے میں اصل حکم یہی ہے کہ جس کا مال ہے اس کی ملک میں کسی تدبیر سے لوٹا دینا
(إذا علم المالك بعينه فلا شك في حرمته ووجوب رده عليه، فتاوى شامي، باب البيع الفاسد، سعيد) اور
جب اصل مالک کی ملک میں نہ پہنچا سکے تو اس کے وبال سے بچنے کی نیت سے بطورِ صدقہ کسی مستحقِ صدقہ کو دے کر جلد از جلد اپنی ملک سے خارج کر دے اور خود کسی کام میں استعمال نہ کرے اور نہ اس کو صدقہ میں دینے کے بعد ثواب کی نیت کرے،
(وأما إذا كان عند رجل مال خبيث فأما إذا ملكه بعقد فاسد أو حصل له بغير عقد ولا يمكنه أن يرد إلى مالكه ويريد أن يدفع مظلمته فليس له حيلة إلا أن يدفع إلى الفقراء، بذل المجهود: ۱/۳۷)
مرکزی حکومت سے ملی ہوئی سود کی رقم انکم ٹیکس سیل ٹیکس میں جب مرکزی حکومت کی ہے دے سکتے ہیں، باقی میونسپل کارپوریشن بورڈ، میونسپلٹی ٹیکس اور اس کے علاوہ دیگر ٹیکسوں میں نہیں دے سکتے ہیں ۔ (نظام الفتاوی: ۱/۱۸۵) ۔
مزید ملاحظہ ہو : (احسن الفتاوی: ۷/۲۱، و جدید معاملات کے شرعی احکام: ۱/۱٦۳، و فتاوی دار العلوم زکریا: ۵/٤۰۲) ۔
واللہ سبحانہ و تعالی اعلم